عرب ايجى7
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عرب ايجى7


 
الرئيسيةالبوابةالتسجيلدخول

 

 أنا نفسى قبل ما اموت

اذهب الى الأسفل 
كاتب الموضوعرسالة
m.mahmoud
مؤسس المنتدى
مؤسس المنتدى
m.mahmoud

عدد المساهمات : 316
تاريخ التسجيل : 25/07/2011

أنا نفسى قبل ما اموت Empty
مُساهمةموضوع: أنا نفسى قبل ما اموت   أنا نفسى قبل ما اموت Emptyالسبت أكتوبر 22, 2011 8:19 pm

( أنا نفسى )




أنا نفسى قبل ما اموت



أصرخ وبأعلى صوت



واقول انى باحبك...



باحبك يامصر.



نفسى اشوفك ديما ..



رافعة رايات النصر.



نفسى اشوفك بعد ليل..



فجر طالع من جديد.



نفسى اشوفك..



فرحة جاية من بعيد.



نفسى اشوفك فى السما..



شمس النهار.



نفسى اشوفك لابسة توبك..



المطرز بالعمار.



نفسى اشوفك نيل..



فارد دراعاته..



على الوادى وع الميادين.



تروى ميته أرضك..



تطرح سنابل..



تتمد بالفدادين.



نفسى اشوفك ساحة.. وواحة..



تساعى م القلوب ملايين.



ماتوا وانتى شغلاهم..



وجرحاهم ..وقتلاهم..



ونسياهم..ماتوا يامصر..



وانتى ساكنة جواهم.



قلوب ملايين حبوكى..



وراحوا يامصر.



لسة بجد فكراهم؟



أنا نفسى أبوس خدك..



أبوس يدك.



خلينى أسجد على أرضك.



أصون ودك.



ياست الكل مين قدك.



مين ياصابرة.. ياسمرة..



يطول مجدك.



ياحاضنة كل أحلامنا..يا
أيامنا..




اللى راح منها واللى لسة
جاى.




بكرة جاى..



شايل ليكى فرح وضى.



ياطوية الحضارة طى.



ياورد وماى.



ياصفصافة على الترعة..



طرحة الفى..



مالك زى.



ياسر وجودى وحدودى.



يا أسئلتى..



يا أجوبتى وردودى.



فيكى باموت.



وانا نفسى قبل ما اموت..



أصرخ..وبأعلى صوت..



واقول انى..بحبك موت..



ولما أموت تضمينى..



وعشقك تانى يحيينى..



وارجع تانى فى حبك اموت.



ويفضل حبى جوايا..



ولا حد حاسسنى.



واخاف م البوح..



يروح حد ينافسنى..



فى حبك اموت.



وانا نفسى قبل ما اموت.



أقول انى باموت فيكى..



وبحبك موت.



ياست الكل ياصابرة..ياسمرة.



ياغالية..وعالية فوق الكل.



باحبك موت.



عبد الهادى مهنى



ميت محمود / المنصورة /
دقهلية




أنا نفسى قبل ما اموت 3175369951 أنا نفسى قبل ما اموت 3175369951 أنا نفسى قبل ما اموت 3175369951 أنا نفسى قبل ما اموت 3175369951 أنا نفسى قبل ما اموت 3175369951


















الرجوع الى أعلى الصفحة اذهب الى الأسفل
https://arbegy7.forumegypt.net
 
أنا نفسى قبل ما اموت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عرب ايجى7 :: قسم متنوع :: منتدى الشعر والخواطر-
انتقل الى: